Ахуйн цэвэрлэгээ буюу хүчиллэг, шүлтлэгийн тухай ойлголт

Цэвэрлэгээ гэдэг нь нэг ёсондоо бохирдлыг саармагжуулах гэсэн үг юм. Бохирдлыг хүчиллэг болон шүлтлэг гэж хоёр ангилдаг. Ароматерапид хүчиллэг бохирдлыг шүлтлэг содын уусмалаар, шүлтлэг бохирдлыг хүчиллэг нимбэгний хүчил, цуугаар арилгадаг. Маш гүн тосон толбо, мөөгөнцөрийг саван болон хүчиллэг цайруулагчаар цэвэрлэж болно.

• Хүчиллэг бохирдолд хөлс, хир буртаг, өөх тос, хоолны тос, халуун ус ба цайнаас үүсдэг савны өнгөр, хар мөөгөнцөр, бөөлжис, алкохол төрлийн бохирдол, түүний болон ялзарсан хогны үнэр зэрэг орно.
• Шүлтлэг бохирдолд савангийн тунадас, шээс, түүхий усны өнгөр, түүхий загасны үнэр, ус буцалгагчийн дотор талын өнгөр, хоолны савны, тамхины үнэр, тоос шороо гэх мэт орно.

Эфирийн тоснууд нь вирус, бактер, мөөгөнцөр устгах, үнэр дарах зэрэг олон талын ашигтай. Цэвэрлэгээнд ашиглах бүтээгдэхүүнүүд нь байгалийн түүхий эдээс бүтэх учир маш зөөлөн шинж чанартай. Хэрэглэх тусам өнгө орж, байгалийн өнгийг нь сэргээдэг. Мөн цэвэрлэгээний бүтээгдэхүүнээ гэртээ бэлтгэх нь өөрийнхөө таашаал, сэтгэл санаа, эрүүл мэнд, арьсны онцлогт тааруулах боломжтойгоороо давуу талтай. Дараах хялбар жоруудаар анхилуун үнэр сэнгэнүүлсэн хөгжилтэй цэвэрлэгээ хийгээрэй.

Эх сурвалж: Анхилуун ургамлын увидас номоос